Любовь Гаврильевна Дьокуускай куоракка муус устар 14 күнүгэр 1969 сыллаахха элбэх оҕолоох ыалга үһүс оҕонон төрөөбүт. Уруһуй анал үөрэхтээх.

Кыра эрдэҕиттэн хомуска оонньуурун сөбүлүүр, төрөөбүт норуотун уонна аан дойду норуоттарын фольклорун интэриэһиргиир, хоһоонунан үлүһүйэр. Профессиональнай варганнай музыканан 1990 сылтан дьарыктаммыт.

1991 сыллаахха ыытыллыбыт Варганнай музыка Норуоттар икки ардыларынааҕы конгресс, 2002 сыллаахха Москваҕа ыытыллыбыт көрбөттөр обществоларын Бүтүн Россиятааҕы фестиваль кыттыылааҕа.

2004 сылтан инбэлиит (хараҕынан көрбөт) буолар.

2007 сылтан уус-уран литературанан дьарыктанар.

Бастакы кинигэтэ, хоһооннорун хомуурунньуга 2008 сыллаахха нууччалыы уонна сахалыы тылынан тахсыбыта. Ол сыл «Веселый алфавит» кинигэтэ нууччалыы тылынан тахсар. 

2013 сыллаахха «Буукубалар кэпсииллэр» («Буквы рассказывают») кинигэтин бэчээттэтэр.

2016 с. Дьокуускай куорат уокуруктааҕы дьаһалтатын «Норуот бюджета» бырайыагынан грант ылан «Книга добрых сказок» кинигэтэ тахсыбыта. Кинигэ үс тылынан — нууччалыы, сахалыы уонна английскайдыы бэчээттэммитэ.

Варганнай музыканан үлүһүйээччи буоларын быһыытынан, 2018 сыллаахха Хомус музейын дириэктэрин көмөтүнэн «Сказание о Хомусе» диэн кинигэтэ саха, нуучча, английскай уонна дьоппуон тылынан тахсар, онтуката Россияҕа эрэ буолбакка, Австрияҕа, Японияҕа тарҕаммыта.

2017 сыллаахтан Саха сирин Суруйааччыларын союһун чилиэнэ.

Айымньылара:

1. Буукубалар кэпсииллэр. Сахалыы алпаабыт : [хоһооннор] https://new.nlrs.ru/to-readers/segments/school/open/86874 
2. Веселый алфавит: книжка для детей дошкольного возраста https://new.nlrs.ru/to-readers/segments/school/open/89287 
3. Книга добрых сказок https://new.nlrs.ru/to-readers/segments/school/open/86875 
4. Мысли вслух = Санааларбын кэпсиибин: [Стихи. Хоһооннор] https://new.nlrs.ru/to-readers/segments/school/open/89293 
5. Сказание о Хомусе https://new.nlrs.ru/to-readers/segments/school/open/86842 
6. Сказки нашими глазами : [сказки для детей : инклюзивный проект] https://new.nlrs.ru/to-readers/segments/school/open/86876 

Эбии көр:

1. Олесова Любовь Гавриловна-Тапталаана. Книга добрых сказок: буктрейлер. [видеозапись] https://new.nlrs.ru/to-readers/segments/school/open/123218