Дмитрий Федосеевич Наумов 1948 сыл алтынньы 6 күнүгэр Амма оройуонун Сулҕаччы нэһилиэгэр Федосий Дмитриевич уонна Сиибиктэ Дмитриевна Наумовтар холкуостаах дьиэ кэргэнигэр күн сирин көрбүтэ. Оскуоланы бүтэрээт Саха государственнай университетын Тыа хаһаайыстыбатын факультетыгар үөрэнэ киирбитэ. Кэргэн ылан, кэтэхтэн үөрэххэ көһөн, 1977 сыллаахха үөрэҕин бүтэрбитэ.

Тыа хаһаайыстыбатын эйгэтигэр үлэлээбитэ. 1975-1978 сыллардаахха Барахов аатынан сопхуоска зоотехниктыыр. 1979-1983 сс. – Нам нэһилиэгин сэбиэтин бэрэссэдээтэлинэн, Балаҕаннаах отделениетын управляющайынан үлэлээбитэ. 1990-1992 сс. Исидор Барахов аатынан сопхуос директора буолар.1992-1995 сс. Үөһээ Бүлүү улууһун администрациятыгар баһылык солбуйааччытынан үлэлиир. 1995 сыллаахха Амма улууһун баһылыгынан талыллар. 2000 сыллаахха СР тыа хаһаайыстыбатын миниистиринэн ананар. 2003-2007 сс. СР Правительствотын бэрэссэдээтэлин солбуйааччынан үлэлиир. 2008-2013 сс. Ил Түмэн депутата, СР ИТ аграрнай политикатыгар уонна тыа сиригэр Бастайааннай хамыыһыйатын бэрэссэдээтэлэ. 

СР норуотун хаһаайыстыбатын үтүөлээх үлэһитэ, СР судаарыстыбаннай гражданскай сулууспатын туйгуна, ону кытта үөрэхтээһин, доруобуйа уонна тулалыыр эйгэни харыстааһын туйгуна. Аан бастакынан СР «Саха культуратын Аар түһүмэлэ» бэлиэнэн наҕараадаламмыта. Амма, Томпо, Үөһээ Бүлүү улуустарын ытык олохтооҕо. Билигин бочуоттаах сынньалаҥҥа олорон, айар үлэнэн дьарыктанар. СР Суруйааччыларын союһун чилиэнэ.

Миитэрэй Наумов маҥнайгы кинигэтэ «Дэриэбинэм барахсан» 2004 сыллаахха тахсыбыта. Ити кэнниттэн Миитэрэй Наумов, кинигэлэрэ утуу-субуу тахсан, ааҕааччы киэҥ сэҥээриитин ылбыта. 2005 с. – «Төрүт буор», 2006 – «Тыа ыала барахсан», «Дэриэбинэм барахсан» (2009), «Чомойор кыыһа» – (2011), 2015 с. – «Өйдөөн көрбүтүм». Онон уус-уран айымньытын кинигэтэ алта буолла, ону таһынан икки нууччалыы тылбаастаммыт кинигэлээх – «Деревенька моя» (2006), «Кэрэмэс» (2018). Тылбаасчыттарынан А. Борисова, М. Дьячковскай-Көлбө, С. Феоктистов-Сэргэх Сэмэн буолбуттара.

Суруйааччы оҕолорго анаан «Дьүкээбил уонна Кустук Куо», «Сардаана сибэкки» (2018) остуоруйа кинигэлэрин таһаарбыта. Бу кинигэлэр нууччалыы тылынан эмиэ бэчээттэммиттэрэ (2018). Ону таһынан Миитэрэй Наумов электроннай кинигэлэрдээх -«Мин кыракый дэриэбинэм», «Дэриэбинэ сонуннара», «Кэпсээннэр», «Дьоллоох киһи. Күргэ. Күһүн». Кини бу айымньыларын диискэҕэ П.А. Ойуунускай аатынан Саха академическай театрын артыыстара Г. Васильев, К. Семенов, Е. Потапова уо.д.а. аахпыттара. Ону кытта ааптар бэйэтэ эмиэ ааҕар. Суруйааччы ахтыы кинигэлэри хомуйан, оҥорон таһаарбыта – «Кинилэр дьоллоох саллааттар этэ» (2015), «Президент Штыров уонна тыа сирэ» (2017). Ону кытта «Афанасьев Николай Егорович» (2001),«Киренскэй академик» (2009), «Азия континенын дуолан бухатыыра. Айаал Лазарев» (2017) кинигэлэргэ үлэлээбитэ. 

Үлэлэрэ:

1. Президент Штыров уонна тыа сирэ https://nlrs.ru/to-readers/segments/school/open/14017
2. Экология сельскохозяйственных животных Амгинского улуса https://nlrs.ru/to-readers/segments/school/open/14020

Айымньылара:

1. Айаал Лазарев Азия Континенын дуолан бухатыыра… https://nlrs.ru/to-readers/segments/school/open/16524
2. Байанай түүлэ : [кэпсээн] / Миитэрэй Наумов // Байанай. – 2015. – N. 6 (68). – С. 32-33. https://nlrs.ru/to-readers/segments/school/open/95949
3. Дьүкээбил уонна Кустук Куо : (Саҥа дьыл түүнүнээҕи хотугу остуоруйа) https://nlrs.ru/to-readers/segments/school/open/59277
4. Дэриэбинэм барахсан : хааннаах киин хаалбыт төрүт буор туһунан кэпсээннэрдээх, оонньуулардаах халыҥ кинигэ https://nlrs.ru/to-readers/segments/school/open/14014
5. Дэриэбинэм барахсан https://nlrs.ru/to-readers/segments/school/open/14007
6. Кинилэр дьоллоох саллааттар этэ https://nlrs.ru/to-readers/segments/school/open/14801
7. Кулунчук : [кэпсээн] / Дмитрий Наумов // Ил Түмэн. – 2009. – Муус устар 3 күнэ. – С. 20. https://nlrs.ru/to-readers/segments/school/open/95904
8. Кыһыл мончуук : [кэпсээн] / Миитэрэй Наумов // Аар тайҕа. – 2022. – N 1 (221), тохсунньу 13 күнэ. – C. 25-27. https://nlrs.ru/to-readers/segments/school/open/87469
9. Күһүҥҥү муҥха : [кэпсээн] / Дмитрий Наумов // Аар тайҕа. – 2021. – Балаҕан ыйын 23 күнэ (N 18). – С. 21-23. https://nlrs.ru/to-readers/segments/school/open/87221
10. Миитэрэй Наумов кэпсээннэригэр дьон – сэргэ дьиэ кыылларыгар сыһыаннара : [чинчийэр үлэ] / Вика Павлова // Бэлэм буол+. – 2019. – Атырдьах ыйын 21 күнэ.- С. 9. https://nlrs.ru/to-readers/segments/school/open/95905
11. Мэхээс туруйата : [кэпсээн] / Миитэрэй Наумов // Аар тайҕа. – 2021. – Алтынньы 14 күнэ (N 19). – С. 26-27. https://nlrs.ru/to-readers/segments/school/open/87066
12. Сардаана сибэкки: биир оонньуулаах, алта хартыыналаах остуоруйа https://nlrs.ru/to-readers/segments/school/open/59278
13. Соргулаах суорумньу // Пьесалар / АРКТИКА култууратыгар айар хайысхалары уонна саҥа сүүрээннэри киллэрэр агенствота автоном. тэрилтэтэ ; [хомуйан оҥордо.: Н. Н.Пономарев]. -С.30.-64.
14. Тыа ыала барахсан : [кэпсээнэр, пьесалар]Тыа ыала барахсан : [кэпсээнэр, пьесалар] https://nlrs.ru/to-readers/segments/school/open/14001
15. Төрүт буор : [кэпсээннэр] https://nlrs.ru/to-readers/segments/school/open/14022
16. Чомойор Кыыһа : (кэпсээннэр, пьесалар) https://nlrs.ru/to-readers/segments/school/open/13116
17. Ыаллыылар : [кэпсээн] / Миитэрэй Наумов // Илгэ. – 2006. – 2006. – N 3. – С. 54-55. https://nlrs.ru/to-readers/segments/school/open/89241

Айымньыларын тылбаастара:

1. Деревенька моя : [рассказы] https://nlrs.ru/to-readers/segments/school/open/14019
2. Кэрэмэс : рассказы / Дмитрий Наумов ; [пер. с якут. С. Феоктистова-Сэргэх Сэмэй, А. Борисовой]. https://nlrs.ru/to-readers/segments/school/open/57288

Эбии көр:

1. 100 интервью о будущем Якутии: Дмитрий Наумов: [видеозапись] https://nlrs.ru/to-readers/segments/school/open/80979 
2. Тематическая коллекция “Наумов Дмитрий Федосеевич”  https://new.nlrs.ru/to-readers/segments/school/collections/3487