(10.11.1934 – 22.07.2013)
Россия Суруйааччыларын уонна Суруналыыстарын сойууһун чилиэнэ, ССРС бэчээтин туйгуна, Саха Өрөспүүбүлүкэтин култууратын үтүөлээх үлэһитэ, Муома уонна Таатта улуустарын ытык киһитэ
Василий Архипович Тарабукин 1934 с. 2-с Байаҕантай нэһилиэгэр холкуостаах кэргэҥҥэ төрөөбүтэ.
1962 с. СГУ саха тылын уонна литературатын салаатын үөрэнэн бүтэрбитэ. Муомаҕа Улахан Чыыстайга учууталынан үлэлээбитэ. 1964 с. дойдутугар Тааттаҕа оройуоннааҕы «Коммунист» хаһыакка, Дьокуускайга «Бичик» кинигэ кыһатыгар уус-уран уонна оҕо литературатын, «Чолбон» сурунаалга проза салаатын эрэдээктэринэн үлэлээбитэ.
Василий Архипович 40 сыл усталаах туоратыгар саха суруйааччыларын, саа суруйарынан дьарыктанааччылар айымньыларын редакциялаабыта. Айымньылары чочуйар сыралаах түбүгүн кытта дьүөрэлээн, кини прозаҕа уонтан тахса кинигэни табааттарбыта. Өрөспүүбүлүкэҕэ ыытыллар конкурстарга кыттан айымньылара биэс төгүл миэстэлэспитэ. Кини нууччалыыттан уус – уран тылбааска сүүрбэттэн тахса үлэлэрдээх, автор бэйэтин айымньыларын нууччалыы тылынан эмиэ тылбаастардаах.
Василий Тарабукин айар үлэтин түмүгүнэн барыта 13 кинигэни таһаартарбыта. Олортон хас да айымньыта оскуола кылаас таһынан ааҕыылар испииһэгэр уонна хрестоматияларга киирбиттэрэ. Оҕолорго анаан «Тиргэлээх көҕөн» (1976 с.), «Оппоос мүччүргэннээх сырыылара» (1980 с.), нууччалыы «Чубарый» (1982 с.), «Үүнүүлээх ходуһаҕа» (1984 с.), «Маныыһыт уонна эйэ» (1989 с.), «Доҕордоһуу бэлэҕэ» (1992 с.) о.д.а. кинигэлэри тайаартарбыта. Маны сэргэ «Төлкө түстэниитэ» (2004 с.), «Ытыллыбыт сурук» (2009 с.) диэн сэрии кэмин сэһэргиир кинигэлэрэ күн сирин көрбүттэрэ.
С.С.Смирнов «Майор хорсун быйыыта», Джоодорж «Тиэтэллээх биллэрии», Улуро Адо «Юко кэпсээннэрэ» о.д.а. кинигэлэри сахалыы тылбаастаабыта. Ырыа буолбут хоһооннордоох. Хоһоонноро «Коммунист», өрөспүүбүлүкэ киин бэчээтигэр тахсыбыттара.
Оҕолорго айымньылара:
Айылҕа дьиктилэрэ: орто саастаах оскуола оҕолоругар кэпсээннэр
Тустаахха соһумар суол: сэһэн, кэпсээннэр
Тиргэлээх көҕөн
Маныыһыт уонна эһэ : [кэпсээннэр, сэһэн : орто уонна улахан саастаах оскуола оҕолоругар]
Тылбаастара:
Улуро Адо. Юко кэпсээннэрэ / Улуро Адо ; Василий Тарабукин тылбааhа ; [худож. С. Кривогорницына]
Аудио:
Эбии көр:
Тематическая коллекция в ЭБ НБ РС (Я) “Тарабукин Василий Архипович”