Оҕолоор, таабырынна таайсыахха. Былыр-былыргыттан таабырын оҕо-аймах эрэ буолбакка, улахан да дьон сөбүлээн оонньуур дьарыктарынан биллэр. Киһи өйүн сытыылыыр, толкуйдуур дьоҕурун сайыннарар тыл кыра айымньыта буолар. Чэ, саҕалыаххайын (таабырын таайтарыытын билбэтэххитинэ бу кинигэлэр эһиэхэ көмөлөһүөхтэрэ):
1. Муора ортотугар көмүс кытах уста сылдьар үһү
2. Алтан тимэх алыыта баар үһү
3. Сир анныгар итии болгуо сытар үһү
4. Ууга төрөөбүт, ууттан куттанар баар үһү
https://new.nlrs.ru/to-readers/segments/school/open10726
5. “Миигинэ суох ханна да олоруоххут суоҕа”, – диир баар үһү
6. Эдьиийэ ыалдьыттыы кэллэҕинэ, балта саһан хаалар үһү
7. Үйэтин тухары эргийэр үһү да, мэйиитэ эргийбэт баар үһү
https://kids.e.nlrs.ru/online/13169
8. Төһөнү да аһыым – топпоппун, инчэҕэйтэн эрэ куттанабын диир баар үһү.
9. Күнү быһа хараҕын уутун тоҕор баар үһү.
10. Өлбөт өйдөөх туох баарый?
11. Кутаа да буолбатар сылытар баар үһү.
https://kids.e.nlrs.ru/online/13174
12. Үөмэр-чүөмэр үктэнэн
Үөмэн сылдьар үгэстээх,
Иннин-кэннин кэтэнэр
Эгэй-сэгэй бэйэлээх;
Алып-ньалып салбанан,
Албын-түөкэй ааттанан,
Хоһооҥҥо, үгэҕэ холбоспут,.
Хорооҥҥо, көҥдөйгө хорҕойбут;
Куобах, кудуйах аһылыктаах
Куо мэтэкэ хотука
Куулаҕа сырыттаҕа бука.
https://kids.e.nlrs.ru/online/35741
13. Саҥата суох да — саҥалаах,
Тыла суох да — тыллаах,
Кэрээбэт кэрэ кэпсээннээх,
Бүппэт үгүс сэһэннээх;
Өйдөөххө да — өй эбэр,
Үөрэхтээҕи да — үөрэтэр,
Дьоҕус буолан баран,
Дьолго сирдиир туох баарый?
https://kids.e.nlrs.ru/online/13815
14. Маҥан куобах бэргэһэлээх
Барар суолгар турабын
Куруук суумка сүгэһэрдээх
Көрөбүн эн ааһаргын.
Бэркэ билэбин эйигини,
Бэргэнник таайар инигин
https://kids.e.nlrs.ru/online/13276
15. «Бу да кыракый буолларбын,
Бууру охторор бухатыырбын», — диэн.
Чахчы-бааччы чабыланааччы,
Чааркаантан эрэ чаҕыйааччы,
Сыһыыны толоону сыыйталыыр,
Сыҥынах анныттан быгыалыыр,
Кыраһа курдук кылбаҕаркаан,
Кынаҕар-чоноҕор кыысчаан баар үһү. – бу ханнык кыылый?
https://kids.e.nlrs.ru/online/10733