Оҕо арыллар, ааҕар киинигэр саха тыла, сурук-бичик күнүгэр аналлаах олус сэргэх тэрээһиннэр буолан аастылар. Алын сүһүөх кылаас оҕолоругар «Алыптаах сахам тылынан» тыл оонньуута ыытылынна. Үөрэнээччилэр Саха сириттэн бастакы лингвист учуонай, саха алпаабытын, суругу-бичиги төрүттэспит Семен Андреевич Новгородов олоҕун, айар үлэтин туһунан сиһилии кэпсээни сэҥээрэн иһиттилэр. Онтон 6 түһүмэхтээх тыл оонньуутугар көхтөөхтүк кыттан, өйдөрүн, саха тылын билиилэрин тургутан көрдүлэр.

Дьокуускай куорат 1№-дээх оскуола 4 кылаас үөрэнээччилэригэр «Родной язык – символ и гордость народа» тиһик буолан ааста. Сиһилии Семен Андреевич Новгородов олоҕун уонна айар үлэтин туһунан чуумпуран олорон иһиттилэр.

«Оҕолору сахалартан бастакы лингвист учуонай, саха норуотун патриота Семен Андреевич Новгородов элбэх омук тылын билэрэ, билиигэ-көрүүгэ мэлдьи тардыһара, сахалыы алпаабыты, букубаары туруулаһан туран норуокка тиэрдибитэ, төрөөбүт сахатын норуотун сайдарыгар ис дууһатыттан ыалдьан сүдү кылааты хаалларбыта сөхтөрдө, долгутта», – диэн үллэһиннэ бибилэтиэкэр Наталья Дмитриевна Захарова.