– поэт, тылбаасчыт, публицист. СӨ норуодунай поэта, CӨ култууратын үтүөлээх үлэһитэ. 1985 с. ССРС суруйааччыларын түмсүүтүн чилиэнэ, 1991 СӨ суруйааччыларын түмсүүтүн чилиэнэ.
Василий Тарасович Сивцев 1933 сыллаахха ахсынньы 22 күнүгэр Үөһээ Бүлүү улууһун Боотулуу нэһилиэгэр төрөөбүтэ. Дьокуускай куорат 2 №-дээх орто оскуолатын бүтэрэн баран, кылгас кэмҥэ А.С.Пушкин (билигин Национальнай библиотека) аатынан библиотекаҕа үлэлээбитэ.
1959 с. Саха государственнай университетын саха тылын уонна литературатын идэтигэр үөрэнэн бүтэрбитэ. Үлэтин Дьокуускайдааҕы кинигэ издательствотыгар редакторынан саҕалаабыта.
1961 сыллаахтан ССРС билимин Академиятын Саха Сиринээҕи салаатын тыл, литература уонна история Института, младшай научнай үлэһитэ,
1963 сыллаахтан Верхоянскай, Булуҥ, Абый уонна Үөһээ Бүлүү оройуоннарын оскуолаларыгар учуутал, онтон култуура Министерствотын иһинэн үлэлиир норуот айымньытын Дьиэтигэр старшай методиһынан, “Кыым” хаһыат корреспонденынан, отдел сэбиэдиссэйинэн, Дьокуускайдааҕы кинигэ издательствотын уус-уран уонна оҕо литературатын редакциятын сэбиэдиссэйинэн, СӨ суруйааччыларын союһун бырабылыанньатын эппиэттиир секретарынан үлэлээбитэ.
1954 с. бастакы хоһооно бэчээттэмитэ. 1961 с. «Үрүҥ былыттар» диэн хоһооннорун хомуурунньуга тахсыбыта.
В.Сивцев хоһоонноругар норуоттар доҕордоһуулара уонна үөлээннээхтэр ис эйгэлэрин тиэмэлэрэ баһыйаллар. Кини 600-тэн тахса сонет суруйбута. Поэт “Күрүлгэн» («Водопад») хомуурунньугар 1967 сылтан 2000 с. диэри сонет жанрыгар суруйбут 454 хоһоон киирбитэ.
2003 сыллаахха таһаартарбыт 2 туомнаах “Күнүм киэһэрэн эрдэҕинэ» хомуурунньугар аҕа көлүөнэ суруйааччылар, бииргэ алтыспыт үөлээннээхтэрин: Эллэй, Амма Аччыгыйа, Суорун Омоллоон, Күннүк Уурастыырап уо. д. а. тустарынан ыстатыйалара, ахтыылара киирбиттэрэ.
Поэт эбээн поэттарын тылбаастаабыта, ол курдук А.Кривошапкин, В. Лебедев уо. д. а айымньыларын сахалыы саҥардыбыта, литератураҕа көрүүтүн туһунан кэккэ ыстатыйалар автордарынан биллэр.
Василий Тарасович Сивцев 1985 сыллаахтан ССРС суруйааччыларын түмсүүтүн чилиэнэ, СӨ, Арассыыйа култууратын үтүөлээх үлэһитэ, И.М.Гоголев-Кындыл аатынан литература, А.П.Илларионов аатынан Ил Түмэн сурунаалыыстыкаҕа бириэмийэлэрин хаһаайына, ССРС суруйааччыларын IX сийиэһин дэлэгээтэ. Боотулуу нэһилиэгин уонна Үөһээ Бүлүү улууһун Ытык олохтооҕо.
Айымньылара:
- Ийэ тыл! [Электронный ресурс] : [хо?оон ] https://new.nlrs.ru/to-readers/segments/school/open/9346
- Күрүлгэн: сонеттар https://new.nlrs.ru/to-readers/segments/school/open/26153
- Көмүс Чолбон: документальнай аҥаардаах уус-уран сэһэн, ахтыылар https://new.nlrs.ru/to-readers/segments/school/open/26156
- Лирика : [хоһооннор, сонеттар] https://new.nlrs.ru/to-readers/segments/school/open/26161
- Сири истэбин: хоһооннор, поэма https://new.nlrs.ru/to-readers/segments/school/open/26159
- Сонеттар: 7 – 11 кылаастарга ааҕар кинигэ https://new.nlrs.ru/to-readers/segments/school/open/26160
- Сүдү бэйэтигэр сүгүрүйэн https://new.nlrs.ru/to-readers/segments/school/open/11999
- Тыал буолан баттаххын тарыаҕым…: талыллыбыт сонеттар https://new.nlrs.ru/to-readers/segments/school/open/7776
- Төрүт дорҕоон: сонеттар https://new.nlrs.ru/to-readers/segments/school/open/26162
- Улуу мөккүөр: улахан уонна орто саастаах оскуола оҕолоругар поэма https://new.nlrs.ru/to-readers/segments/school/open/26154
- Үрүйэ тааһа https://new.nlrs.ru/to-readers/segments/school/open/26158
- Үрүҥ былыттар: хоһооннор https://new.nlrs.ru/to-readers/segments/school/open/25432
- Үөрүү: (хоһооннор, этюдтар, фрагменнар) https://new.nlrs.ru/to-readers/segments/school/open/25438
- Хотой үрдүккэ дьулуһар https://new.nlrs.ru/to-readers/segments/school/open/26155
Айымньыларын тылбаастара:
- “Встретимся у Пушкина…”: поэты Якутии – А. С. Пушкину https://new.nlrs.ru/to-readers/segments/school/open/26841
- И вечно обновляется земля… https://new.nlrs.ru/to-readers/segments/school/open/36954
- Касанье солнца: сонеты https://new.nlrs.ru/to-readers/segments/school/open/7777
Тылбаастара:
- Ала-хайа сарыала: Киргиз суруйааччыларын айымньылара https://new.nlrs.ru/to-readers/segments/school/open/10701
- Кривошапкин, Андрей Васильевич. Аал уотум иннигэр : хоһооннор https://new.nlrs.ru/to-readers/segments/school/open/7090
- Кривошапкин, Андрей Васильевич. Өбүгэм сирэ : хоһооннор https://new.nlrs.ru/to-readers/segments/school/open/3378
- Песни оленьего края = Оролкан төөр икээлни = Орочи дуннэ хэгэвурин = Илэньэй лукунбурэбэ йахтапул = Табалаах кыраай ырыалара https://new.nlrs.ru/to-readers/segments/school/open/9742
- Родари, Джанни. Чиполлино мүччүргэннээх сырыылара https://new.nlrs.ru/to-readers/segments/school/open/31532
- Уйаҕас дууһаны уйгуурдан: нуучча классиктара сахалыы https://new.nlrs.ru/to-readers/segments/school/open/50607
Эбии көр:
Тематическай коллекция “Сивцев Василий Тарасович” https://new.nlrs.ru/to-readers/segments/school/collections/1793