СӨ Национальнай бибилэтиэкэтин научнай үлэһитэ Ангелина Кузьмина көҕүлээн салайар Саха Сиригэр төрүт олохтоох омуктар тылларын, култуураларын сырдатар, үөрэтэр уопсастыбаннай «Дьүкээбил» бырайыагын биэриитэ таҕыста. Уопсастыбаннай хамсааһыҥҥа тыл үөрэхтээхтэрэ, кыраайы үөрэтээччилэр, учууталлар, бибилэтиэкэрдэр, чинчийээччилэр биир сомоҕо буолан үлэлии сылдьаллар.
“Дьүкээбил” ютуб-ханаал саҥа биэриитигэр сэргэ үөскээһинин түҥ былыргы устуоруйатын, көрүҥнэрин билиэххит. Саха итэҕэлигэр суолтатын үөрэтиэххит. Сэргэни тутуу, туруоруу сиэрин-туомун анаарыаххыт. Бу ытык тутуу өбүгэҕэ сүгүрүйэр, киһини уобарастаан көрдөрөр сүдү суолталаах, араҥаччылыыр аналлаах. Ону тэҥэ биһиги аан ситимнэрбитин ааҕыҥ! Сигэтэ: https://youtu.be/GvNu7LtW9Mg