«Мин дойдум – Олоҥхо дойдута»
Ахсынньы ый 5 күнүгэр Оҕо ааҕар, арыллар киинин Библиотечнай-информационнай өҥөнү оҥорор комплекснай киин ааҕааччыларга анаан саха норуотун биир уус-уран айымньытын чыпчаала – Олоҥхо, норуот кутун-сүрүн иҥэринэ сылдьар ытык малбыт – Хомус күннэрин, ону таһынан Улуу Олоҥхобут ЮНЕСКО шедеврэ буолбута 20 сылыгар «Мин дойдум – Олоҥхо дойдута» дириҥ ис хоһоонноох тэрээһини ыытта.
Тэрээһин арыллыытыгар бибилэтиэкэрдэр Олоҥхо үс дойдутун инсценировкаҕа оонньоон көрдөрдүлэр, алгыс сиэрин-туомун ыытан, ааҕааччылары арчылаатылар-алгыстаатылар, алаадьынан күндүлээтилэр.
Үөрэнээччилэр өбүгэлэрбит төрүт култуураларын кытта билсиһэр араас хабааннаах: «Көрдөөх тырыыҥка», «Сахалыы дублик», «Эрийии», «Күөрчэх», «Олоҥхо оонньуулара» «Тоҕус былас суһуоҕу өрүү» уо.д.а. оонньууларга көхтөөх кыттыыны ыллылар.
«Олоҥхо геройдара» гиипсэнэн оҥоһугу кырааскалааһын, суһуох киэргэлин оҥоруу, «Бухатыыр ата» кумааҕынан кырыйыы маастар-кылаастар олус сэргэхтик аастылар.
