Олунньу 14 күнүгэр Оҕо арыллар, ааҕар киинигэр СӨ искусствотын үтүөлээх деятелэ, Россия худуоһунньуктарын Союһун чилиэнэ, Ойуунускай аатынан государственнай премия лауреата, Сахабыт сирин биир саамай бастыҥ, киэн туттар худуоһунньуга Андрей Васильевич Чикачев кэлэн ыалдьыттаата. Бу көрсүһүү "Төрөөбүт төрүт тылым" республикатааҕы фестиваль чэрчитинэн буолан ааста. 

   Андрей Васильевич олоҕун уонна айымньыларын туһунан сэһэргэһэ Дьокуускай куорат 2-с №-дээх оскуолатын 3д, 7г, 7в уонна 1-кы №-дээх оскуолатын 5б кылааһын оҕолоро муһуннулар.
   Оҕолор ыалдьыт кэпсээнин сүрдээҕин диэн сэргээн иһиттилэр, хартыыналарын кытта билсистилэр, араас ыйытыылары биэртэлээн ирэ-хоро кэпсэттилэр.
   Тэрээһин олус сэргэхтик, интэриэһинэйдик ааста.