Бүгүн муус устар 1 күнүгэр сүрдээх  үөрүүлээх, долгутуулаах түгэн буолан ааста – оҕолорго аналлаах “Сүүнэ уонна сүүтүк” диэн  саҥа кинигэ сүрэхтэннэ.  Автор — бэйиэт, Арассыыйа суруйааччыларын Сойууһун чилиэнэ, Саха сирин суруйааччыларын сойууһун эппиэттиир сэкирэтээрэ, суруналыыс, Архипова Зинаида Архиповна.

Бастаан суруйааччыбытын кытта билистибит, сэлэстибит.

Онтон кинигэттэн быһа тардан аахтыбыт, ырытыстыбыт.

Оҕолор суруйааччыга ыйытыылары биэрдилэр.

Ол кэннэ ааҕал саалаҕа баран, оҕолор төрөппүттэрин кытта бэйэлэрин сүүтүктэрин кырааскалаан оҥордулар.

Зинаида Архиповна уруһуйдарын туһунан сахалыы ордук үчүгэйдик кэпсээбит оҕолорго “Сүүнэ уонна сүүтүк” кинигэлэрин бэлэхтээтэ, минньигэс сакалаатынан күндүлээтэ.

Оҕолор «Сүүнэ уонна сүүтүк» кинигэни уларсан ааҕыах, иккис чааһын кэтэһиэх буолан тарҕастылар.