— поэт, оҕо суруйааччыта, Россия уонна Саха сирин сс чилиэнэ (1994).

Константин Ильич Үөһээ-Дьааҥы улууһугар Верхоянскай куоракка 1944 сыллаахха балаҕан ыйын 5 күнүгэр төрөөбүтэ.

Орто оскуоланы Мэҥэ-Хаҥалас улууһун Бүтэйдээх нэһилиэгэр 1964 сыллаахха бүтэрэн баран, 1964 сыллаахха Саха государтсвеннай университетыгар устуоруйа-тыл факультетыгар үөрэнэр.

Мэҥэ-Хаҥаласка Наахара уонна Тыыллыма орто оскуолаларыгар саха тылын уонна литературатын учууталынан 1973 сылтан 2008 сылга диэри үлэлээбитэ. Наахараҕа үлэлии сылдьан орто оскуола учууталларын комсомольскай тэрилтэтин секретара этэ. 

Өссө оскуолаҕа үөрэнэр кэмигэр айан суруйарга холонор эбит, 8-с кылааска сылдьан, 1960 сыллаахха, «Бэлэм буол» хаһыат ыыппыт литературнай куонкурсугар «Күhүҥҥү кэпсээннэр» айымньыта кыайыылаах аатынан бэлиэтэммитэ.

Бастакы «Байкалов туһунан ырыа» хоһооно «Колхоз кырдьыга» улуус хаһыатыгар 1957 с. тахсыбыта. «Болтоҥо-ыстаҥа» диэн оҕолорго анаммыт аан-бастакы кинигэтэ 1983 сыллаахха тахсыбыта. Онтон ылата хоһоонноро республика хаһыаттарыгар, сурунаалларыгар уонна хомуурунньуктарга тиһигин быспакка бэчээттэнэллэр. Поэт бастыҥ айымньылара кылаас таһынан ааҕыыга киллэриллибиттэрэ, оҕо литературатыгар анаммыт өрөспүүбүлүкэтээҕи күрэхтэргэ бэлиэтэммиттэрэ, хоһоонноро ырыа буолан ылламмыттара, сорох хоһоонноро ньууччалыы тылбаастаммыттара уонна ньууччалыы тыллаах хаһыаттарга тахсыбыттара  

1984 сылтан ССРС Суруйааччыларын сойууһун, билигин Россия Суруйааччыларын сойууһун чилиэнэ.

СӨ Норуот Үөрэҕириитин туйгуна (1999), «Гражданскай килбиэн» (2003) уонна «Учууталлар учууталлара» (2014) бэлиэнэн наҕараадаламмыта.  Н. Е. Мординов-Амма Аччыгыйа  аатынан СӨ баһылыгын бириэмийэтин (2018). РФ Суруйааччыларын союһун грамотатын (2019) ылбыта.

Моорук, Тыыллыма нэһилиэктэрин бочуоттаах гражданина (2015) уонна Мэҥэ-Хаҥалас улууһун бочуоттаах гражданина (2005).

Айымньылара:

1. Биэлсэр Нарыйа остуоруйалара https://new.nlrs.ru/to-readers/segments/school/open/14807
2. Сырдык ыра: хоһооннор, кэпсээннэр https://new.nlrs.ru/to-readers/segments/school/open/50623
3. Умнуллубат мичээр: кыра саастаах оскуола оҕолоругар хоһооннор https://new.nlrs.ru/to-readers/segments/school/open/14806 
4. Уу-чукучук: хоһооннор https://new.nlrs.ru/to-readers/segments/school/open/14886
5. Хаачыал-маачыал : Оскуолаҕа киириэн иннинээҕи саастаах уонна нач. кылаас оҕолоругар https://new.nlrs.ru/to-readers/segments/school/open/30752
6. Хатынь куолакаллара: поэмалар, баллада https://new.nlrs.ru/to-readers/segments/school/open/16536
7. Эбэм, эһэм аахха [ : хоһооннор : оскуолаҕа киириэн иннинээҕи саастаах оҕолорго] https://new.nlrs.ru/to-readers/segments/school/open/23097
8. Эһэлээҕим тиэргэнигэр: төрөппүт оҕотугар ааҕарыгар https://new.nlrs.ru/to-readers/segments/school/open/14884

Айымньыларын тылбаастара:

1. Северные зори: стихи якутских поэтов https://new.nlrs.ru/to-readers/segments/school/open/126695

Эбии көр:

1. Сырдык санаа утаҕа https://ppt-online.org/1346929 
2. Тематическая коллекция “Сосин Константин Ильич” https://new.nlrs.ru/to-readers/segments/school/collections/1315