Саха норуотун уһулуччулаах суруйааччыта Н. Е. Мординов-Амма Аччыгыйа оҕолорго аналлаах «Тоҕус төгүл «тоҕо?» айымньыта интириэһинэй, элбэххэ үөрэтэр кэпсээннэрэ кими баҕарар угуйар.

Дьокуускай куорат «Айыы кыһата» национальнай гимназия 2 «А» кылааһын үөрэнээччилэрэ Амма Аччыгыйа олорон ааспыт олоҕун, айымнылаах үлэтин кытары оскуола уруоктарыгар билсибиттэр, «Тоҕус төгүл «тоҕо?» айымньы тэттик кэпсээннэрин аахпыттар.

«Бүгүн библиотекаҕа сэргэх «Толкуйдатар тоҕус тоҕо» литературнай оонньуу ыытылынна. Оҕолор айымньыны бары ааҕан кэлбиттэр, оонньууга көхтөөхтөр. Амма Аччыгыйа «Тоҕус төгүл «тоҕо?» айымньыта оҕону кыра эрдэҕиттэн сиэрдээх буолууга сирдиир, аһыныгас, амарах, үтүө санааӄа иитэр. Ону таһынан, оҕо айымньы ис хоһоонун ырытар, толкуйдуур, толлугаһа суох саҥарарга-иҥэрэргэ дьоӄурун сайыннарар, бэйэтин тус санаатын сааһылаан саҥарарга, этэргэ үөрэтэр», – бэйэтин санаатын үллэстэр ооньууну бэлэмнээбит, ыыппыт  библиотечно – информационнай өҥөнү оҥорор комплекснай киин бибилэтиэкэрэ Ильина Галина Власьевна.

Литературнай оонньуу тутулун бу ыйыллыбыт сигэгэҕэ киирэн билис https://kids.nlrs.ru/9-questions/