Любовь Михайловна балаҕан ыйын 13 күнүгэр 1960 с. Челябинскай уобалас Златоуст куоратыгар төрөөбүтэ. Аҕата Аҕа дойду улуу сэриитин кыттыылааҕа, сварщигынан үлэлээбит, ийэтэ — тыыл үлэһитэ. Оҕо эрдэҕиттэн доруобуйатынан мөлтөх буолан, элбэх эпирээссийэни ааспыта. Оскуоланы 8 кылааһынан бүтэрбитэ.
1976 – 1979 сыллардаахха төрөөбүт куоратыгар медтехникумҥа бүтэрбитэ, студенныыр кэмигэр культурнай тэрийээччи быһыытынан сылдьыбыта.
1979 – 1984 сс. медсестранан үлэлээбитэ.
1990 с. Саха Республикатын Мирнэй куоратыгар олорор.
Доруобуйата мөлтөөн 1990 сылтан кэлин дьиэҕэ олорбута, дьиэтээҕи хаһаайыстыбатынан дьарыктаммыта. Икки уоллаах кыыс оҕолоох. Оҕолоро билигин улаатан, туспа үлэһиттэр
Оҕо эрдэҕинээҕи таптыыр суруйааччылара: Иван Ефремов, Владислав Эбирмин, Павел Бажов, Ольга Ларионова, Александр Бруштейн.
Кыра сылдьыаҕыттан остуоруйалары айар эбит. Ол эрээри, олортон сорҕолоро эрэ суруллан хаалбыттара баар эбит. Кэлин, улаатан баран өйүгэр туох хаалбытын кумааҕыга көһөрбүт. Айар үлэнэн кэлин күүстээхтик дьарыктаммыта.
Бастакы наҕараадатын 13 сааһыгар бастыҥ оҕо литературатыгар ыытыллыбыт телевизионнай конкурска кыттан ылбыт. Кэлин, 2009 с. куорат библиотекатын, лицей, оскуолаларын площадкаларыгар араас тэрээһиннэргэ көхтөөхтүк кыттар. Мирнэй оройуонун баһылыгыттан махтал суруктарынан наҕараадаламмыта.
2011 сыллаахтан «Семицветье» литературнай холбоһугу салайааччыта.
2017 сыллаахха РФ Суруйааччыларын союһун чилиэнэ.
2006 сыллаахха Мирнэйдээҕи кинигэ кыһатыгар «Слезы Солнца» остуоруйаларын хомуурунньуга тахсыбыта.
Ону таһынан, «Радуга в ладонях» кэпсээннэрин хомуурунньуга тахсыбыта, ол кинигэтэ 2008 сыллаахха РФ Правительствотын уонна РФ Культуратын министерствотын эгидатын анныннан Норуоттар икки ардыларынааҕы «Филантроп» бириэмийэҕэ номинацияламмыта.
2013 сыллаахха Рязань куорат кинигэтин кыһатыгар «Как Чисхан масленицу встречал» диэн английскай тылынан тылбаастаах остуоруйа кинигэтэ тахсыбыта.
«Мирнинский рабочий» хаһыакка, «Колокольчик», «Полярная звезда», «Трезвый взгляд», «Якутия против алкоголизма» региональнай общественнай хамсааһын сурунаалыгар (Дьокуускай), «Три желания» (Рязань), «Контрабанда» (Москва) сурунаалларга, «Уреньга» (Златоуст) уонна «Вилюйские зори» (Мирный) альманахтарга бэчээттэммитэ.
Элбэх кинигэ ааптара: «Слёзы Солнца» (Мирнэй, 2006), «Радуга в ладонях» (Мирнэй, 2006), «Понять, принять, простить…» (Новосибирскай, 2009), «Как Чисхан масленицу встречал» (Рязань, 2013), «Перекрёстки судьбы» (Саарбрюккен (Германия), 2013), «Радуга в ладонях» (Москва,2015) и «Как попасть в рай» (Новосибирскай, 2016).
Наҕараадалара, бириэмийэлэрэ:
2012 — «Писатель года-2012» «Проза.ру» норуоттар икки ардыларынааҕы портал «Писатель года-2012» бириэмийэтэ .
2013 — «Проза.ру» норуоттар икки ардыларынааҕы портал «Народный писатель» бириэмийэтин финалиһа, Москаҕа ыытыллыбыт «Дебют года» литературнай конкурс 3 миэстэтэ.
2017 — «Айар-ыллык» III республиканскай литературнай конкурс кыайыылааҕа.
Айымньылара:
- Как Чисхан масленицу встречал [Текст]: сказка : [для детей младшего возраста] / [пер. на англ. Ирины Корчиковой ; худож. Вера Донская]. — Рязань ; [б. и.], 2013. — 12 с. : ил.
- Слезы Солнца [Текст]: сказки : [для детей младшего возраста] / [предисл. Тамары Бессмертной ; худож. Прасковья Новгородова]. — Мирный : Мирнинская городская типография, 2006. — 22 с. : ил.
Периодикаҕа тахсыбыт айымньылара:
- Автор о себе и своем творчестве:О творчестве, любви и вдохновении : [беседа с JI. М. Винс / записала Светлана Попова] // Мирнинский рабочий. — 2014. — 25 марта. — С. 2.
- Горностай |Текст]: сказка / худ. Г. Попов // Колокольчик. — 2011. — № 2. – С. 4-5 https://new.nlrs.ru/to-readers/segments/school/open/81272
- Делай хорошие дела вовремя |Текст]: сказка // Колокольчик. —2011. – № 3. – С. 7. https://new.nlrs.ru/to-readers/segments/school/open/84193