Сунтаар улууһун Толоон нэһилиэгэр ыам ыйын 2 күнүгэр 1963 с. төрөөбүтэ.

1996 с. М. К. Аммосов аатынан ЯГУ-ка  педагогика уонна психология идэтигэр үөрэммитэ.

Толоон начальнай оскуолатыгар, отнон 1996 сылтан Сунтаар оройуоннааҕы библиотекатыгар үлэлээбитэ. 1999 сылтан 2005 сылга диэри улуустааҕы киин библиотека «Ситим» кыраайы үөрэтэр секторын сэбиэдиссэйэ. Билигин «НВК-Саха» араадьыйатын эрдээктэринэн үлэлиир.

Ангелина Шадрина 1996 сылтан хоһооннорун суруйар. Кини бастакы хоһоонноро 1996 сыллаахха «Сунтаар сонуннара» улуус хаһыатыгар тахсыбыттара. Кэлин 2001 сыллаахха «Саха сирэ» өрөспүүбүлүкэ хаһыатыгар бэчээттэммитэ. 

4 кинигэ ааптара: «Мин биллибэт мунчаарыым» (2004), «Санаа хараҕа» («Мысли, мои мысли») (2007), «Дорҕоон кута» («Таинство звука») (2011), «Сэттис аан» («Седьмая дверь») (2014) уонна  «Айыы санаа ohyopa» («Узоры добрых мыслей») (2013) остуоруйа кинигэтин.

2002 сыллаахха «Ситтэрбэт мин бэйэм…» аудиокассетата тахсыбыта, онно бэйэтин хоһооннорун аахпыта уонна Саха сирин биллэр мелодистара поэтесса тылларыгар суруйбут ырыалара киирбитэ.

2005 сыллаахтан СӨ суруйааччыларын союһун чилиэнэ.

 «Айыы санаа ohyopa» («Узоры добрых мыслей») остуоруйатын кинигэтэ оскуолаҕа киириэн илик саастаах уонна алын кылаас оҕолоругар анаан суруллубута. Геройдара куһаҕаны утары охсуспаттар, ол гынан баран оҕо дьиҥнээх олоххо буолуон сөптөөх быһыыга- майгыга түбэһэллэр.

«Уу кыыһа Уучаана Куо», «Саҥа ырбаахы», «Борончооно куобахчааны ойуур олохтоохторо хайдах быыһаабыттара» кылгас гынан баран, оҕону мөлтөҕү-кыамматы көмүскүүргэ, көмөлөһөргө үөрэтэр ис хоһоонноохтор, «Үтүөнү оҥоруу», «Чыс кутуйах» үтүө ааты сыралаах үлэнэн ыларга, «Кыраттан да быстараахтаабыттар» хоргус буолуу туох да үчүгэйгэ тиэрдибэттэрин өйдөтөллөр. Кинигэ биллэр художник -иллюстратор Вера Филипповна Ноева ойууларынан киэргэтиллибит.

Айымньылара:

1. Айыы санаа ohyopa : [остуоруйалар] / [худ. В. Ноева]. – Владивосток: ЗАО«ЛИТ». – 2013. – С. [24].
2. Санаа хараҕа : хоһооннор https://new.nlrs.ru/to-readers/segments/school/open/9005 

Периодикаҕа тахсыбыт айымньылара:

1. Ypүҥ көмүс Иннэчээнэ кыыс уонна кыһыл көмүс Сүүтүкчээн уол : остуоруйа // Далбар Хотун. – 2012. – № 2 – С. 24-25. https://new.nlrs.ru/to-readers/segments/school/open/77524 
2. Борончооно куобахчааны ойуур олохтоохторо хайдах быыһаабыттара : кэпсээн // Саха сирэ. – 2014. – Тохсунньу 30 к. – С. 32.
3. Остуоруйа ; Саха санаата; Сирэй уонна кулук : остуоруйалар // Чолбон.- 2016. – № 3 ,- С. 94-96. https://new.nlrs.ru/to-readers/segments/school/open/67358 
4. Саргычык, кини доҕотторо уонна саҥа дьыллааҕы харыйа : кэпсээн // Далбар Хотун. -2013. – № 8. – С. 22-24. https://new.nlrs.ru/to-readers/segments/school/open/77639 
5. Уу кыыһа Уучаана Куо : остуоруйа // Хатан,- 2011. – № 9. – С. [2-4]. https://new.nlrs.ru/to-readers/segments/school/open/14328 
6. Чуораанчыктаах ыаҕайачаан : остуоруйа // Хатан (Кустук). – 2012. – № 1 (28) – С . 2-5 https://new.nlrs.ru/to-readers/segments/school/open/14332