Оҕо суруйааччыта, учуонай-фольклорист, тылбаасчыт Дмитриев Петр Никифорович – Туутук 1938 с. бэс ыйын 4 күнүгэр Мэҥэ Хаҥалас оройуонун Хара нэһилиэгэр төрөөбүтэ.
1956 с. Майа орто оскуолатын, 1964 с. СГУ историко-филологическай факультетын, 1972 с. ССРС Наукаларын Академиятын Саха сиринээҕи филиалын аспирантуратын үөрэнэн бүтэрбитэ. Оскуола дириэктэринэн, ЫБСЛКС Мэҥэ Хаҥаластааҕы райкомолун бастакы сэкэрэтээринэн, Москватааҕы Щепкин аатынан театральнай училище саха литературатыгар уонна фольклоругар преподавателинэн үлэлээбитэ.
1970 с. «Сайылыгым барахсан» диэн оҕолорго аналлаах хоһооннорун бастакы кинигэтэ бэчээттэммитэ. 1992 сылтан Россия Суруйааччыларын сойууһун чилиэнэ.
1972-2007 сс. – гуманитарнай чинчийии институтугар научнай үлэһит, 2008 сылтан РНА СС гуманитарнай чинчийиилэр уонна аҕыйах ахсааннаах омуктар кыһалҕаларын үөрэтэр Институт олоҥхо салаатын научнай үлэһитэ. П. Н. Дмитриев 20-чэ сыл фольклор экспедицияларын салайбыта. Чинчийээччи фонотекатыгар 30-ча олоҥхо тыллара бааллар, олортон П. П. Ядрихинскай – Бэдьээлэ «Дьырыбына Дьырылыатта», Н. И. Степанов- Ноорой “Күн Эрили” олоҥхолоро туспа кинигэ буолан бэчээттэнэн тахсыбыттара. П. Н. Дмитриев улуу суруйааччы Ойуунускай айымньыларын, саха литературатын үөрэтиигэ сүҥкэн үлэни оҥорбута.
П. Н. Дмитриев – Туутук – Саха Өрөспүүбүлүкэтин култууратын үтүөлээх үлэһитэ, ССРС Наукатын Академиятын Сибиирдээҕи салаатын үтүөлээх бэтэрээнэ, Мэҥэ Хаҥалас, Нам оройуоннарын, Хара нэһилиэгин Бочуоттаах гражданина.
Кинигэлэрэ: «Сайылыгым барахсан» (1970), “Маайыс” (1978), “Дьиэрэҥкэй” (1980), “Ойуур ойууһута” (1982), “Хаар балаҕан” (1987), “Туллук хаара” (1998), “Остуоруйа отуута” (2008), “Айылҕаттан айдарыылаахтар”(2008), “Лето” (1993), “Светлая жизнь” (1997).
Бэлэмнээтэ Дьяконова Ольга Николаевна, М.И. Брызгалова аатынан оҕо бибилэтиэкэтин сэбиэдиссэйэ, Майя бөһ.
Айымньылара:
1. Айылҕаттан айдарыылаахтар : ыстатыйалар, бэлиэтээһиннэр, очеркалар https://new.nlrs.ru/to-readers/segments/school/open/7629
2. Дьиэрэҥкэй : (кыра оҕолорго хоһооннор) https://new.nlrs.ru/to-readers/segments/school/open/47478
3. Маайыс : (кыра саастаах оҕолорго) https://new.nlrs.ru/to-readers/segments/school/open/47471
4. Ойуур ойууһута : [хоһооннор] : кыра саастаах оҕолорго https://new.nlrs.ru/to-readers/segments/school/open/47565
5. Остуоруйа отуута: оскуола орто саастаах оҕолоругар хоһооннор уонна остуоруйалар https://new.nlrs.ru/to-readers/segments/school/open/47505
6. Сайылыгым барахсан : [хоһооннор, тылбаастар, ырыалар] https://new.nlrs.ru/to-readers/segments/school/open/47464
Тылбаастара:
1. Пушкин, Александр Сергеевич. Остуоруйалар / А. С. Пушкин ; хомуйан оҥордо П. Н. Дмитриев-Туутук ; В. Г. Чиряев, Ф. С. Софронов, Г. И. Макаров-Дьуон Дьаҥылы, П. Н. Дмитриев тылбааһа ; художник Д. П. Дмитриева. https://new.nlrs.ru/to-readers/segments/school/open/50731
Аудио:
1. Оҕолорго айымньылар https://kids.nlrs.ru/tuutuk-ogolorgo/
2. Сайылыгым барахсан : [аудиокинигэ] https://kids.nlrs.ru/dmitriev-petr-nikiforovich-tuutuk-sajylygym-barakhsan-audiokinige/
Эбии көр:
1. Петр Никифорович Дмитриев — Туутук. Викторина https://kids.nlrs.ru/petr-nikiforovich-dmitriev-tuutuk-t-r-b-te-85-sylygar/
2. Тематическая коллекция в ЭБ НБ РС(Я) “Туутук – Дмитриев Петр Никифорович” https://new.nlrs.ru/to-readers/segments/school/collections/1630