- суруйааччы, тылбаасчыт, поэтесса, сценарист, элбэх кинигэ автора
Винокурова Раиса Егоровна олунньу 18 күнүгэр 1959 сыллаахха Мэҥэ-Хаҥалас улууһун Бүтэйдээх нэһилиэгэр төрөөбүтэ. СГУ биолого- географическай факультетын 1984 с. бүтэрбитэ. Биология учууталынан, биология проблематын институтун научнай үлэһитинэн, Даймонд-клиникаҕа фитотерапевынан үлэлээбитэ.
2006 сыллаахтан суруйааччылар союзтарын Аан дойдутааҕы уопсастыбатын, 2007 сыллаахтан Россия журналистарын союһун чилиэнэ.
Раиса Егоровна Саха циркатыгар оҕоҕо анаан туруоруллубут «Остуоруйа түүлэ» музыкальнай пьеса сценарийын суруйбута.
У. Шекспир «Ромео уонна Джульетта» трагедиятын матыыбынан тылбаастаан суруйбут «Биирдэ куоракка» испиктээкилэ 2004-2014 сс. П. А. Ойуунускай аатынан Саха театрын репертуарыгар сылдьыбыта.
Раиса Винокурова тылбаастаабыт Россия поэттарын ырыаларын билигин республика үгүс оҕо саадтарыгар уонна оскуолаларыгар үөрэтиллэллэр, холобур, «Баар буоллун өрүү күммүт» («Пусть всегда будет солнце»), «Халлаан күөх вагон» («Голубой вагон») о.д.а.
Россия драматургтарын сойуустарын 2004 сыллаах стипендиата, «Биһик ырыата» диэн бастакы Республикатааҕы конкурс Гран-притын хаһаайына.
Суруйааччы хас да псевдонимтаах бэчээттэнэр: оҕолорго – Хаар Мичээрэ, улахан дьоҥҥо – Сэндиэлэ.
Раиса Винокурова хоһоонноро судургу тылынан суруллубут, чэпчэки рифмалаахтар, кырачааннарга тулалыыр эйгэлэрин кытта билсиһиннэрэр, үөрэтэр тыыннаахтар.
Көтөн иһэр хомурдуос илиигэ түһэн олордун, аһыҥа туора ойуоккалаан аастын – барыта поэтесса хоһоонугар тиһиллэн иһэллэр. Саха сирин дьикти айылҕаларын туһунан оҕоҕо «Кыһыл көмүс таммахтар», «Маныыһыт кумаар», «Сардаҥалаах ырыа» кинигэлэрэ арыйыахтара. Онтон араас өҥү араарга, уоҥҥа диэри ааҕарга «Үп-үрүҥ түү курдук», «Хоһоонунан ахсаан», буукубалары кэбэҕэстик өйдүүргэ «Күннээх азбука» кинигэлэрэ көмөлөһүөхтэрэ.
Улахан дьоҥҥо уонна оҕолорго анаан суруйбут хоһоонноро «Золотая строфа» диэн альманахха тахсыбыттара.
Айымньылара:
- Бэйбэрикээн эмээхсин : норуот остуоруйатыгар олоҕуран аныгылыы олонхо / [ойуулары онордо Екатерина Нестерова]. – Дьокуускай : Медиа- холдинг Якутия, 2008. – 43 с. : ил. https://new.nlrs.ru/to-readers/segments/school/open/7558
- Күннээх азбука : хоһооннор. Дьокуускай : Сахаполиграфиздат, 2002. – 48 с. : ил.
- Кыһыл көмүс таммахтар : хоһооннор. Дьокуускай : Сахаполиграфиздат, 2000.-31 с. https://new.nlrs.ru/to-readers/segments/school/open/16548
- Маныыһыт кумаар : хоһооннор / [уруһуйдьуттар: Катя Нестерова, Сережа Алексеев, Наташа Круглова]. – Дьокуускай : Сахаполиграфиздат, 2002. – 40 с . : ил.
- Сардаҥалаах ырыа : хоһооннор. Дьокуускай : Сахаполиграфиздат, 2002. – 114 с .: ил.
- Yп-үрүҥ түү курдук: хоһооннор. Дьокуускай : Бичик, 2008. – 10 с .: цв. ил.
- Сэбирдэх ohyopa. – Дьокуускай : НИПК Сахаполиграфиздат : Таатта улууһун типографията. – 2000.