(15.03.1915 – 24.05.1993)

 

Саха народнай суруйааччыта, поэт, прозаик, публицист, Василий Сергеевич Соловьев – Болот Боотур 1915 с. муус устар ый 15 күнүгэр Чурапчы улууһун 4-е Хатылы нэһилиэгэр төрөөбүтэ. 

Дьокуускайдааҕы педагогическай институт тыл уонна литература факультетыгар кэтэхтэн үөрэммитэ. Учууталлааһын кини олоҕун сүрүн идэтинэн буолбута. Кырдьаҕас учуутал ыччаты иитиигэ уопсайа 40 тахса сыл эҥкилэ суох үлэлээбитэ.

1942 с. сэриилэһэр армияҕа ыҥырыллыбыта. Калининградскай уонна Ленинградскай уобаластары, Литваны, Белоруссияны, Польшаны босхолооһуҥҥа кыттыбыта, сэриини Германияҕа түмүктээбитэ. Ыараханнык бааһырбыта, госпиталларга ор эмтэнэн, дойдутун 1945 с. бүтүүтэ булбута. 

Сэрии кэнниттэн педагогическай үлэҕэ төннүбүтэ, фольклорнай уонна этнографическай матырыйааллары хомуйарынан дьарыктаммыта, үлэлиир оскуолатыгар музей тэрийбитэ. 

Октябрь 40 сыла туолуутугар анаммыт бастыҥ уус-уран айымньыга конкурс биллэриллибитигэр, 1957 сыллаахха “Ол күн” диэн улахан эпическэй поэманы (3500) строкалаах суруйан киллэрбитэ. Бу айымньыта конкурска иккис миэстэни ылан, онтон 1959 сыллаахха туспа кинигэ буолан, автор санаатын ордук өрө көтөхпүтэ, литературанан дьиҥнээхтик дьарыктанарыгар үктэл уурбута.

1971 с. «Сааскы дьыбардар» романа бэчээттэнэн тахсыбыта. «Уһуктуу» роман-трилогия суруйааччы саха литературатын биир улахан ситиһиитэтинэн сыаналаммыта, народнай суруйааччы диэн бочуоттаах ааты ылбыта. 

Кини тиһэх айымньылара оҕолорго аналлаах этилэр — “Сырдык мичээр”, “Хомурахтаах мин дойдум”, “Таабырын-хоһооннор”, “Куобахчаан” диэн хомуурунньуктары таһаартаабыта.

Саха литературатын бөдөҥ маастара – Василий Сергеевич Соловьев 1993 с., ыам ыйын 24 күнүгэр олохтон туораабыта.

 

 

Медиаурок «Василий Сергеевич Соловьев- Болот Боотур – народный писатель РС(Я), писатель-фронтовик»

Подготовил студент 2-го курса «Арктического государственного института культуры и искусства» Находкин Дьулустан.

Виртуальная выставка “Народный писатель Якутии Болот Боотур”

Оҕолорго айымньылара:

1. Куобахчаан: орто саастаах оҕолорго хоһооннор https://new.nlrs.ru/to-readers/segments/school/open/38584
2. Сырдык мичээрдэр: кыра оҕолорго хоһооннор https://new.nlrs.ru/to-readers/segments/school/open/35716
3. Таабырын хоһооннор: орто саастаах оҕолорго https://new.nlrs.ru/to-readers/segments/school/open/35741
4. Хомурахтаах хоту сирим оҕолоругар: [кыра саастаах оскуола оҕолоругар хоһооннор, чабырҕахтар,үгэлэр, таабырыннар, остуоруйалар] https://new.nlrs.ru/to-readers/segments/school/open/35715

Эбии көр:

1. Киһиргиибин диэн кирсэ быстыбыт: (Болот Боотур остуоруйатыгар ойуу кинигэ) https://kids.nlrs.ru/ki-irgiibin-dien-kirse-bystybyt-bolot-bootur-ostuorujatygar-ojuu-kinige/
2. Детям о писателях-фронтовиках Якутии. Вып. 1 https://new.nlrs.ru/to-readers/segments/school/open/47846 
3. Детям о писателях-фронтовиках Якутии. Вып. 2 https://new.nlrs.ru/to-readers/segments/school/open/47847
4. Лауреаты Государственной премии им. П.А.Ойунского https://kids.nlrs.ru/premiya-imeni-oyunskogo/ 
5. Василий Сергеевич Соловьев – Болот Боотур https://landscape.nlrs.ru/57 
6. Тематическая коллекция в ЭБ НБ РС (Я) “Писатели Якутии – участники Великой Отечественной войны”  https://new.nlrs.ru/to-readers/segments/school/collections/1101
7. Тематическая коллекция в ЭБ НБ РС (Я) “Писатели-фронтовики Якутии – детям” https://new.nlrs.ru/to-readers/segments/school/collections/1293