(18.01.1921 — 27.02.1973)
Ю.И. Шамшурин 1921 с. тохсунньу 18 күнүгэр Иркутскай уобалаһыгар Черемхово куоракка төрөөбүтэ.
Саха сиригэр кыра сааһыгар төрөппүттэрин кытта кэлсибитэ. Дьокуускайдааҕы пединститукка үөрэммитэ. Өр сылларга журналистика үлэтигэр сылдьыбыта, «Социалистическая Якутия» хаһыат корреспонденынан, «Молодёжь Якутии» хаһыат, радиокомитет уонна «Полярная звезда» сурунаал эрэдээктэринэн үлэлээбитэ.
Юрий Шамшурин — Aҕa дойду Улуу сэриитин кыттыылааҕа. Бойобуой наҕараадалардаах. Кини сэрии хонуутунан ааспыт хорсун суола айымньыларыгар эмиэ көстүбүтэ. Ол курдук, «Счастье в твоих руках» диэн ромаҥҥа газовиктары ойуулуурун быыһыгар сэриигэ кыттыбыт саха киһитин мөрсүөнүн киһи хараҕар быраҕыллар гына дьүһүннээн киллэрбитэ. Маны таһынан «Полк пошел в наступление» диэн сэһэннээх.
Кини киэҥник биллибит айымньытынан «Дьолуҥ бэйэҥ илиигэр» (Счастье в твоих руках) диэн Саха сирин геологтарын олоҕуттан суруллубут романа буолар. Ю.И. Шамшурин Амма Аччыгыйын, Софрон Данилов, Василий Протодьяконов, онтон да атын саха суруйааччыларын айымньыларын нууччалыы тылбаастаабыта. Ю.И. Шамшурин олорбут олоҕо уонна айар үлэтэ советскай дьон биир иллээх кэргэҥҥэ түмсүүлэрин чаҕылхай туоһута уонна холобура буолар.
Суруйааччы 1973 сыллаахха олунньу 27 күнүгэр өлбүтэ
Оҕолорго айымньылара:
- Вороний переполох : [рассказы и сказки для детей среднего и младшего школьного возраста] https://new.nlrs.ru/to-readers/segments/school/open/36951
- Медвежонок Хоттабыч : [рассказы для детей младшего и среднего школьного возраста] https://new.nlrs.ru/to-readers/segments/school/open/18829
- Тропа Тынкоя : повесть https://new.nlrs.ru/to-readers/segments/school/open/36955
- Почему птицы летят на Север : [рассказ для детей] https://new.nlrs.ru/to-readers/segments/school/open/51736
- Северная широта: рассказы https://new.nlrs.ru/to-readers/segments/school/open/51750
- Сыромятникова, Анастасия Саввична. Хопто : Рассказы для детей https://new.nlrs.ru/to-readers/segments/school/open/13667
- Данилов Софрон Петрович. Рассказы https://new.nlrs.ru/to-readers/segments/school/open/75468
- Детям о писателях-фронтовиках Якутии. Вып. 1 https://new.nlrs.ru/to-readers/segments/school/open/47846
- Детям о писателях-фронтовиках Якутии. Вып. 2 https://new.nlrs.ru/to-readers/segments/school/open/47847
- Тематическая коллекция в ЭБ НБ РС (Я) «Писатели Якутии — участники Великой Отечественной войны» https://new.nlrs.ru/to-readers/segments/school/collections/1101
- Тематическая коллекция в ЭБ НБ РС (Я) «Писатели-фронтовики Якутии – детям» https://new.nlrs.ru/to-readers/segments/school/collections/1293
- Тематическая коллекция в ЭБ НБ РС (Я) «Шамшурин Юрий Иванович» https://new.nlrs.ru/to-readers/segments/school/collections/1312
- Юрий Иванович Шамшурин https://landscape.nlrs.ru/66