Кып-кыра 
Чычып чаап
Хап-хара 
Харахтаах.

Хоһоон тылларыттан саха оҕото тыла өһө, толкуйдуур дьоҕура уһуктан Петр Николаевич Тобуруокап хоһооннорунан  тылланар,  кини хоһоонноругар айыллыбыт ураты мелодиялаах ырыаларын олоҕун устата аргыс оностор.

Алтынньы ый 21 күнүгэр саха норуодунай бэйиэтэ, оҕо суруйааччыта, Аҕа дойду Улуу сэриитин кыттыылааҕа Петр Николаевич Тобуруокап төрөөбүтэ 105 сылыгар аналлаах оскуола орто сүһүөх үөрэнээччилэрин икки ардыгар куйаар ситиминэн хоһоону өйтөн ааҕыы түһүлгэтэ ыытыллынна.

Бу хоһоон ааҕыытын көрүү-күрэҕэр өрөспүүбүлүкэбит оскуолаларын орто сүһүөх 5-8 кылааһын үөрэнээччилэрэ кыттыыны ыллылар. Күрэх маҥнайгы түһүмэҕэ өрөспүүбүлүкэ бары оҕо бибилэтиэкэлэригэр, ааҕар салааларыгар ыытыллан, иккис түһүмэх хоһоону ааҕыы маҥнайгы түһүмэҕин кыайыылаахтарын ортолоругар тэрийилиннэ. Барыта 26 оҕо кытынна.

 «Кэрэкэ тыллар» кыайыылаахтара:

1 үрдэл

Е. Кюндюнэ, Уус Алдан улууһун М. Н. Готовцев аатынан Танда орто оскуолатын 5 кылааһын үөрэнээччитэ;

К. Өркөн, Муома орто оскуолатын 6 кылааһын үөрэнээччитэ.

2 үрдэл

С. Валерия, А. Н. Осипов аатынан Бэрдьигэстээх орто оскуолатын 6 кылааһын үөрэнээччитэ;

Е. Семен, Орто Халыма улууһун Налимскай орто оскуолатын 5 кылааһын үөрэнээччитэ.

3 үрдэл

Е. Алена, Горнай улууһун С. П. Данилов аатынан Дьиикимдэ орто оскуолатын 6 кылааһын үөрэнээччитэ;

Б. Федор, Уус Алдан улууһун Курбуһах орто оскуолатын 7 кылааһын үөрэнээччитэ.

Петр Николаевич оҕолоро, сиэннэрэ кыайыылаахтарга бэлэх ууннулар, 1 үрдэлгэ кыайбыт оҕолорго харчынан бириэмийэ, 2 уонна 3 үрдэл хаһаайыттарыгар сакалаат, блокнот уонна сабыс саҥа үс тылынан бэчээттэнэн тахсыбыт кинигэтин.

Кыттыыны ылбыт оҕолорго сайаапкаҕа ыйыллыбыт электроннай аадырыска туоһу, оҕолору бэлэмнээбит учууталларга, бибилэтиэкэрдэргэ махтал сурук ыытыллыахтара.

Бары кыттыыны ылбыт оҕолорго, төрөппүттэргэ, учууталларга, бибилэтиэкэрдэргэ тэрийээччилэр ааттарыттан  барҕа  махталбытын тиэрдэбит! Инникитин  өссө элбэх кыайыылары, ситиһиилэри баҕарабыт.