Олунньу 25 күнүгэр «Мас тоҕо үүнэрий?" оҕолорго аналлаах кинигэ сүрэхтэниитэ буолан ааста.

 Кинигэ ааптара тыл билимин хандьыдаата, Саха Өрөспүүбүлүкэтин үөрэҕэриитин туйгуна, суруйааччы, суруналыыс Ангелина Кузьмина С.Ф.Гоголев аатынан Дьокуускайдааҕы педагогическай колледж алын сүһүөх оскуолатын, Горохова Сардаана Дмитрьевна салайааччылаах, 3 «Б» кылааһын үөрэнээччилэригэр айар үлэтин, айымньы суруллуутун билиһиннэрдэ.
Кинигэ сүрэхтэниитин түмүгэр суруйааччы хас биирдии оҕоҕо, аҕалбыт кинигэлэригэр, баҕа санаатын суруйан илии баттаан бигэргэттэ. Оҕолор бу көрсүһүүнү өр кэмнэргэ өйдүү-саныы сылдьыахтара диэн эрэнэбит.