Мелодист, ырыаһыт, поэтесса Раиса Дмитриевна Чирикова алтынньы 24 күнүгэр 1957 с. Верхоянскай улууһун Бөтөҥкөс нэһилиэгэр төрөөбүтэ.
1978 с. Дьокуускайдааҕы культурнай-сырдатар училищены, ол кэнниттэн Арктическай государственнай искусство институтун бүтэрбитэ.
Үөһээ Дьааҥы улууһун культураҕа управлениетын методиһынан үлэлиир.
«Кэлбитим орто дойдуга» хоһоон хомуурунньуга, «Умнуллубат сайын» «Күн тахсар сарыалын көрүстүм» кинигэлэр ааптардара. «Вести Верхоянья», «Дьааҥы сонуна», «Дьааҥы аартыга», «Саха сирэ», «Бэлэм буол» уонна «Чолбон» периодическай тахсыыларга бэчээттэммитэ.
Раиса Дмитриевна аата «Трудовая слава Якутии» диэн кинигэ 3- с томугар киллэриллибитэ.
Саха сирин Ленин комсомолун лауреата, «Эчий» литературнай түмсүү салайааччыта, Үөһээ Дьааҥы улууһун Олонхо ассоциациятын салайааччыта, улуус гимнын мелодиятын автора, «Верхоянскай туос» («Я поднимаю свой чорон») ырыа тиэкиһин автора, Верхоянскай улууһун бочуоттаах гражданина, СР культуратын туйгуна.
«Умнуллубат сайын» кэпсээннэр уонна хоһооннор хомуурунньуктарыгар сүрүн герой Нарыйа оҕо саас дьоллоох түгэннэрэ ойууланаллар. Кинигэ иллюстрациятын автор бэйэтэ оҥорбута.
Айымньылара:
- Күн тахсар сарыалын көрүстүм. – Дьокуускай : Сайдам, 2014. – 64 с.
- Оҕолорго. Умнуллубат сайын : кэпсээннэр, хоһооннор / ааптар ойуулара. – Дьокуускай : Бичик, 2012. – 2 4 с . : ил