(30.03.1951 -25.06.2011)

• норуот тапталлаах суруйааччыта, СӨ культуратын үтүөлээх үлэһитэ, П.А.Ойуунсукай аатынан государственнай бириэмийэ, Саха сирин хомсомуолун бириэмийэ лауреаттара, Томпо улууһун бочуоттаах гражданина

Е.П.  Неймохов  Саха  норуотун олоҕун энциклопедиятын суруйар суруйааччы.

Варвара Окорокова

Егор Петрович Неймохов кулун тутар 30 күнүгэр 1950 сыллаахха Томпо улууһун Мэҥэ-Алдан нэһилиэгэр күн сирин көрбүтэ.

1957 с. Мэҥэ-Алданнааҕы начаалынай кылаастаах оскуолатыгар киирбитэ. 1968 сыллаахха Кирисэ -Халдьаайы орто оскуолатын ситиһиилээхтик үөрэнэн бүтэрбитэ. Ол сыл Дьокускайдааҕы Государственнай университет историко-филологическай факультетыгар киирэр.

Үөрэҕин бүтэрэн баран Тыл, литература, история институтун социологияҕа лабораториятыгар үлэҕэ киирэр. Ол сылдьан, оччотооҕуга эмиэ эдэр учуонай Борис Попов (кэлин философия доктора, профессор, академик буолбута) национализмҥа буруйдаммыт кинигэтин хайҕаабыт уонна поэт Дмитрий Дыдаев “Өр сыллаах ахтылҕаным” диэн кинигэтэ 1974 сыллаахха тахсарыгар көмөлөспүт буолан буруйданан, үлэтиттэн ууратыллар, науканан дьарыктанар аана сабыллан хаалар. Иннэ гынан журналист быһыытынан талаана арыллар, айар-тутар хайысха суолунан барар.

«Эдэр коммунист», «Саха сирэ», «Дорожник Саха» хаһыаттарга, «Хотугу сулус», «Аргыс» уонна «Айсберг» сурунаалларга, Тыл, литература уонна устуоруйа институтугар лаборанынан, ССКП ОК култуураҕа отделын инструкторынан, СГУ саха литературатыгар кафедратын дассыанынан үлэлээбитэ. 

1993 сыллаахха СӨ бэрэсидьиэнин дьаһалтатыгар судаарыстыбаннай наҕараадалар хамыыһыйаларын эппиэттиир сэкирэтээрин дуоһунаһыгар үлэлээбитэ. Санкт-Петербурга СӨ бастайааннай бэрэстэбиитэлин сүбэһитинэн анаммыта. СӨ массыына суолун тутууга дириэксийэтин сүрүн исписэлииһинэн, социальнай страховка регионнааҕы фондатын отделениетын управляющайын көмөлөһөөччүтүнэн буола сылдьаталаабыта.

Суруйааччы «Сэргэлээххэ саас этэ» бастакы кэпсээнэ 1975 сыллаахха «Эдэр коммунист» хаһыакка бэчээттэтэн айар үлэ аартыгар үктэммитэ. 1983 сыллаахха «Хапсыһыы» сэһэнин таһаарбыта, дьон-сэргэ биһирэбилин ылбыта, хомсомуол бириэмийэтинэн бэлиэтэммитэ. «Сайсары күөлгэ түбэлтэ» диэн дьиҥ олоххо буолбут түбэлтэҕэ олоҕуран 1988 сыллаахха суруйбут айымньыта ааҕааччы болҕомтотун тардыбыта, кэлин, 2016 сыллаахха бу айымньыга олоҕуран киинэ уһуллубута. 2000-2012 сылларга «Таптал түөрт кэмэ»,, «Алампа» уо.д.а. улахан айымньылары суруйан бэчээккэ таһаарбыта. 

Ону таһынан  «Хара мааска», «Ильмень үрдүнэн туруйалар» киинэ сценарийдарын суруйталаабыта. 

Суруйааччы кэлин ситэн-хотон романнары суруйталаан хаалларбыта. 2005 сыллаахха «Быһах биитинэн» историческай романа тахсыбыта. «Алампа» диэн дилогия-арамаана 2012 сыллаахха бэчээттэммитэ. Арамааны Е.Ю.Каминскай нууччалыы тылбаастаан, киэҥ араҥаҕа таһаарбыта. 

Егор Петрович тылбаасчыт быһыытынан Ю.Сергеев «Ыраахтааҕылыы бултааһын» кинигэтин сахалыы саҥардыбыта. Бүтэһик сылларыгар П.Пинигин «Олимпиадаҕа айан» кинигэтигэр үлэлээбитэ. 

Норуот суруйааччыта 2011 сыл бэс ыйын 25 күнүгэр орто дойду олоҕуттан күрэммитэ.

Виртуальная выставка о писателе

Айымньылара:

1. Алампа : роман. Кн. 1 https://new.nlrs.ru/to-readers/segments/school/open/9372
2. Алампа : роман. Кн. 2 https://new.nlrs.ru/to-readers/segments/school/open/9373
3. Быһах биитинэн https://new.nlrs.ru/to-readers/segments/school/open/11911
4. Великий снайпер России: киноповестьhttps://new.nlrs.ru/to-readers/segments/school/open/11910 
5. Восхождение на Олимп: [о якутских спортсменах Р. Дмитриеве, П. Пинигине, А. Иванове] https://new.nlrs.ru/to-readers/segments/school/open/89949
6. Ильмень үрдүнэн туруйалар : киинэ сценарийа, кэпсээннэр 
7. Көтүү : (сэһэн) https://new.nlrs.ru/to-readers/segments/school/open/11918
8. Сайсары күөлгэ түбэлтэ… : [сэһэннэр] https://new.nlrs.ru/to-readers/segments/school/open/11904
9. Таптал түөрт кэмэ : [Кэпсээннэр, публицистика] https://new.nlrs.ru/to-readers/segments/school/open/11901
10. Тустууга анаммыт олох https://new.nlrs.ru/to-readers/segments/school/open/11907
11. Хапсыһыы: сэһэн https://new.nlrs.ru/to-readers/segments/school/open/11905
12. Хара мааска https://new.nlrs.ru/to-readers/segments/school/open/12814
13. Хаһыы : [сэһэннэр https://new.nlrs.ru/to-readers/segments/school/open/11902
14. Эр киһи уонна дьахтар : сэһэн, кэпсээннэр, киинэ сценарийдара, ахтыы https://new.nlrs.ru/to-readers/segments/school/open/11913

.Тылбаастара:

1. Сергеев, Юрий Васильевич. Ыраахтааҕылыы бултааһын : сэһэннэр, кэпсээннэр https://new.nlrs.ru/to-readers/segments/school/open/79010

Аудио:

1. Неймохов Егор Петрович. Хаһыы : [сэһэннэр] https://kids.nlrs.ru/nejmokhov-egor-petrovich-kha-yy-se-enner/
2. Сайыҥҥы киэһэ : [аудиокэпсээн] https://kids.nlrs.ru/nejmokhov-egor-petrovich-sajy-y-kie-e-audiokepseen/

Эбии көр:

1. Тематическая коллекция в Электронной библиотеке “Неймохов Егор Петрович” https://new.nlrs.ru/to-readers/segments/school/collections/1128