Өрөспүүбүлүкэтээҕи дьыктаан «Таптыыр сахам тылынан»

«Таптыыр сахам тылынан»

өрөспүүбүлүкэтээҕи дьыктаан ыытыы

балаһыанньата

Балаһыанньата:

1.1. Балаһыанньа «Таптыыр сахам тылынан» өрөспүүбүлүкэтээҕи дьыктаан (салгыы - дьыктаан) сыалын, соруктарын, тэрээһин торумун, кыттыы бэрээдэгин чопчулуур;

1.2. Дьыктаан сыала – өрөспүүбүлүкэ үөрэнээччилэрин төрөөбүт тылынан суруктара-бичиктэрэ уус-уран, литэрэтиирэ нуорматыгар эппиэттиир, тупсаҕай буоларыгар үлэлэһии.

Соруктара:

үөрэнээччини саха литэрэтиирэтигэр, төрөөбүт тылга уһуйуу;
төрөөбүт тылынан сөпкө саҥарар-суруйар таһымын үрдэтии, сатабылын иҥэрии;
төрөөбүт тыл култууратын үрдэтии;
санааны толору арыйа үөрэнии.

1.3. Күрэҕи СӨ Национальнай бибилэтиэкэтин «Оҕо арыллар, ааҕар киинэ» (салгыы - Оҕо ааҕар киинэ) тэрийэн ыытар.

Дьыктаан ыытыллар бэрээдэгэ, болдьоҕо:

2.1. Дьыктаан өрөспүүбүлүкэ улуустарын оҕо бибилэтиэкэлэригэр, салааларыгар, оскуолаларыгар ыытыллар, улуустааҕы тэрийээччи ананар;

2.2. Дьыктааҥҥа өрөспүүбүлүкэ оскуолаларын (3 - 8 кылаас) үөрэнээччилэрэ кыттыыны ылаллар;

2.3. Дьыктаан үс бөлөҕүнэн ыытыллар:

3-4 кылаас үөрэнээччилэрэ;
5-6 кылаас үөрэнээччилэрэ;
7-8 кылаас үөрэнээччилэрэ.

2.4. Дьыктаан өрөспүүбүлүкэ үрдүнэн биир күҥҥэ, о.э. 2024 сыл олунньу ый 13 күнүгэр ыытыллар;

2.5. Дьыктаан сөптөөх хоруйдара Оҕо ааҕар киинин анал сыһыарыытыгар 2024 сыл олунньу ый 14 күнүгэр бэчээттэнэн тахсыа;

2.6. Өрөспүүбүлүкэ улуустарын үөрэнээччилэрэ сайаапкаларын толорон (1-кы нүөмэрдээх сыһыарыы) 2024 сыл олунньу ый 2 күнүгэр диэри улуус оҕо бибилэтиэкэлэригэр, салааларарыгар ыыталлар;

2.7. Дьокуускай куорат оскуолаларын үөрэнээччилэрэ сайаапкаларын толорон (1-кы нүөмэрдээх сыһыарыы) 2024 сыл олунньу ый 2 күнүгэр диэри Оҕо ааҕар киинин электроннай аадырыһыгар Адрес электронной почты защищен от спам-ботов. Для просмотра адреса в вашем браузере должен быть включен Javascript. ыыталлар;

2.8. Дьыктаан II түһүмэхтэн турар, ыытыллар тыла – сахалыы, кыттыы төлөбүрэ суох;

I түһүмэх: өрөспүүбүлүкэ улуустарыгар баар оҕо бибилэтиэкэлэрин, салааларын үлэһиттэрэ миэстэтигэр тэрийэллэр. Үс бөлөх кыайыылаах кыттааччылар үлэлэрин 2024 сыл олунньу ый 15 күнүгэр Адрес электронной почты защищен от спам-ботов. Для просмотра адреса в вашем браузере должен быть включен Javascript. диэри ыыталлар;

Дьокуускай куорат оскуолаларын үөрэнээччилэригэр, дьыктаан ыытыллар сигэтэ, олунньу ый 13 күнүгэр Оҕо ааҕар киинин анал сыһыарытыгар http://kids.nlrs.ru тахсыаҕа;

II түһүмэх: дьыктаан маҥнайгы түһүмэҕин кыайыылаахтарын ортолоругар ыытыллан, өрөспүүбүлүкэтээҕи дьыктаан уопсай түмүгэ 2024 сыл олунньу ый 20 күнүгэр Оҕо ааҕар киинин анал сыһыарытыгар http://kids.nlrs.ru тахсыаҕа.

Дьыктаан сорудахтара уонна сыанабыла:

3.1. Дьыктаан кыттааччылара бөлөҕүнэн: 3-4 кылаас үөрэнээччилэрэ, 5-6 кылаас үөрэнээччилэрэ, 7-8 кылаас үөрэнээччилэрэ, бэриллибит сорудахтары толороллор;

3.2. Дьыктаан уон сорудахтаах:

Тоҕус тест быһыытынан бэриллибит ыйытыылар;
Бэриллибит тиэмэҕэ өйтөн суруйуу.

3.3. Дьыктаан бастакы тоҕус ыйытыыларыгар сөптөөх эппиэт иһин- 1 балл;

3.4. Дьыктаан ыытылларыгар экспертнэй дьүүллүүр сүбэ тэриллэр. Дьүүллүүр сүбэ экспертэрэ: өрөспүүбүлүкэ оҕо бибилэтиэкэлэрин, салааларын үлэһиттэрэ, саха тылын уонна литэрэтиирэтин учууталлара;

3.5. Экспертнэй дьүүллүүр сүбэ үлэтин түмүгүнэн:

I түһүмэх түмүгүнэн өрөспүүбүлүкэ улуустарыгар, Дьокуускай куорат үөрэнээччилэригэр сааһынан наардаан үс бөлөх кыайыылаахтарыгар, анал ааттар хаһаайыттарыгар улуус, куорат таһымнаах дипломнар туттарыллаллар:

- 3 – 4 кылаас үөрэнээччилэрэ;

- 5 – 6 кылаас үөрэнээччилэрэ;

- 7 – 8 кылаас үөрэнээччилэрэ;

II түһүмэх түмүгүнэн өрөспүүбүлүкэ кыайыылаахтарын сааһынан наардаан үс бөлөх кыайыылаахтарыгар, анал ааттар хаһаайыттарыгар дипломнар туттарыллаллар:

- 3 – 4 кылаас үөрэнээччилэрэ;

- 5 – 6 кылаас үөрэнээччилэрэ;

- 7 – 8 кылаас үөрэнээччилэрэ.

3.6. Күрэххэ кыттыбыт үөрэнээччилэргэ туоһу сурук сайаапкаҕа ыйыллыбыт электроннай аадырыска ыытыллар;

Күрэх түмүгүн, оҕо ааҕар киинин анал сыһыарыытыгар http://kids.nlrs.ru/ уонна социальнай ситимтэн ааҕан билиэхтэрин сөп.

Сиһилии билсэр төлөпүөҥҥүт нүөмэрэ: 89245900016.

Скачать положение;

1-кы, 2-с нүөмэрдээх сыһыарыылар.

3 – 4 кылаас үөрэнээччилэригэр ыйытыылар

5 – 6 кылаас үөрэнээччилэригэр ыйытыылар

7 – 8 кылаас үөрэнээччилэригэр ыйытыылар