Итоги: https://kids.nlrs.ru/index.php/homepage/biblionovosti/konkursy/13-detyam-i-podrostkam/konkursy/2427-r-sp-b-l-ke-o-olorugar-tuos-aa-yy-kempiriensijete-yytylynna

Өрөспүүбүлүкэтээҕи ааҕыы кэмпириэнсийэтин балаһыанньата

1. Балаһыанньа:

1.1. Балаһыанньа «TUOS» үөрэнээччилэр кэмпириэнсийэлэрин (салгыы - кэмпириэнсийэ) сыалын, соруктарын, тэрээһин торумун, кыттыы бэрээдэгин чопчулуур;

1.2. Күрэҕи СӨ Национальнай бибилэтиэкэ салаата «Оҕо арыллар, ааҕар киинэ» (салгыы - Оҕо ааҕар киинэ) тэрийэн ыытар.

2. Сыала, соруктара:

Сыала – чинчийэр үлэ нөҥүө оҕо айар, ырытар, анаарар дьоҕурун, сахалыы саҥарар-толкуйдуур сатабылын сайыннарыы.

Соруктара:

• саха литэрэтиирэтигэр, төрөөбүт тылга уһуйуу;
• төрөөбүт тыл туттуллар эйгэтин кэҥэтии, сахалыы саҥа култууратын үрдэтии;
• билими киэҥ эйгэҕэ сырдатыы, тарҕатыы, санааны толору арыйыы;
• дьон иннигэр тута – хапта үөрэнии культуратыгар үөрэтии;
• Ийэ дойдуга тапталы иҥэрии, бэриниилээх буоларга иитии.

3. Кэмпириэнсийэ ыытыллар бэрээдэгэ, болдьоҕо:

3.1. Кэмпириэнсийэҕэ өрөспүүбүлүкэ оскуолаларын (3 - 8 кылаас) үөрэнээччилэрэ кыттыыны ылаллара ирдэнэр;

3.2. Кыттааччы сайаапкатын (1-кы уонна 2-с нүөмэрдээх сыһыарыылары) 2024 сыл тохсунньу ый 31 күнүгэр диэри («TUOS» бэлиэлээх) толорон Адрес электронной почты защищен от спам-ботов. Для просмотра адреса в вашем браузере должен быть включен Javascript. электроннай аадырыска ыытар;

3.3. Кэмпириэнсийэ ыытыллар тыла – сахалыы.

I түһүмэх: өрөспүүбүлүкэ улуустарыгар баар оҕо бибилэтиэкэлэрин, салааларын үлэһиттэрэ миэстэтигэр тэрийэллэр. Кыайыылаах кыттааччылары 2024 сыл тохсунньу ый 31 күнүгэр диэри биидьийэҕэ уһулан ыыталлар; Дьокуускай куорат оскуолаларын үөрэнээччилэригэр Оҕо ааҕар киинигэр олунньу ый 03 күнүгэр ыытыллыаҕа.

II түһүмэх: кэмпириэнсийэ маҥнайгы түһүмэҕин кыайыылаахтарын ортолоругар, 2024 сыл олунньу ый 09 күнүгэр электроннай барыйаанынан киирбит сайаапкаларынан буолар.

3.4. Кэмпириэнсийэҕэ кыттыы төлөбүрэ суох.

4. Кэмпириэнсийэ үлэтин хайысхалара, сиэксийэлэрэ:

• «Мин сөбүлээн аахпыт айымньым» (Саха сирин суруйааччыларын айымньылара, кинигэлэрэ);
• «Оҕо таптыыр суруйааччыта» (Саха сирин суруйааччытын, саҥа ааптарын олоҕун, үлэтин туһунан);
• «Тыыннаах айымньылар» Саха сирин суруйааччыларын айымньыларыттан инсценировка.

4.1.Кэмпириэнсийэҕэ маҥнайгы уонна иккис хайысхаларга кыттыы матырыйааллар ирдэбилэ:

• Презентация кээмэйэ 10 слайда, кыттааччы үлэтин билиһиннэриитэ 5-7 мүнүүтэ;
• Дакылаат көрүҥнээх үлэ формата - MS Word, 15000 бэлиэттэн тахсыа суохтаах. Сириип кээмэйэ -14, арыта 1,5:
• дакылаат титул лииһигэр дакылаат аата, кыттааччы араспаанньата, аата, үөрэнэр оскуолата, кылааһа, салайааччытын аата ыйыллар;
• сахалыы тылынан дакылаат тиэкисэ (киирии тыл, тиэмэни арыйыы, ырытыыта, түмүгэ, туһаныллыбыт литэрэтиирэтэ, матырыйааллар);
• анал сыһыарыы (уруһуйдар, туһаныллыбыт технология, чинчийиилэр, ньымалар).

4.2.Кэмпириэнсийэҕэ үһүс хайысхаҕа кыттыы ирдэбиллэрэ:

• Инсценировка бириэмэтэ 7-10 мүнүүтэ;
• Ыйыллыбыт тиэмэҕэ сөп түбэһиэхтээх;
• Кыттааччылар биир айымньыттан быһа тардыыны араас жанрынан көрдөрүөхтэрин сөп.

5. Тутуһуллар ирдэбиллэр:

5.1. Сайаапкаҕа оҕо, төрөппүт (иитээччи) уонна салайааччы тус дааннайдарын докумуоҥҥа киллэрэргэ төрөппүт (иитээччи) сөбүлэҥэ хайаан даҕаны ирдэниллэр (2 нүөмэрдээх сыһыарыы);

5.2. Кыттааччы дорҕоонноохтук, улаханнык толору аатын-суолун, ханнык оскуолаҕа, хаһыс кылааска үөрэнэрин, тиэмэтин билиһиннэриэхтээх;

5.3. Кыттааччы кэмпириэнсийэҕэ соҕотоҕун эбэтэр бөлөҕүнэн толоруллубут үлэнэн кыттар бырааптаах;

5.4. Дакылаат ис хоhооно кыттааччы бэйэтин толкуйугар, ѳйүгэр–санаатыгар, сааһыгар сөп түбэhэр буолуохтаах. Тиэрминнэр сахалыы, нууччалыы тылынан туттуллаллар;

5.5. Инсценировкалары муусуканан киэргэтии, кыттааччы уус-уран гримы, тыйаатыр уонна мааска көстүүмү кэтэрэ көҥүллэнэр.

6. Сыанабыл уонна наҕараадалааһын:

6.1. Кэмпириэнсийэ ыытылларыгар экспертнэй дьүүллүүр сүбэ тэриллэр. Экспертнэй дьүүллүүр сүбэтэ: өрөспүүбүлүкэ оҕо бибилэтиэкэлэрин, салааларын үлэһиттэрэ, киинэ, театр артыыстара, оскуолалар саха тылын уонна литэрэтиирэтин учууталлара.

6.2. Экспертнэй дьүүллүүр сүбэ сыанабыла:

• үлэни үөрэнээччи тус бэйэтэ толоруута, айымньы ис хоһоонун төһө тиэрдибитэ, толору билиитэ, тылын-өһө баайа;
• чинчийии ньымата;
• суруйааччы олоҕун, айар үлэтин, айымньытын уус-ураннык арыйыы, ырытыы, анаарыы дириҥэ, эрдэ чинчийиллибит үлэлэргэ тирэҕирии, ньыма арааһын туттуу;
• сценическэй маастарыстыбата;
• ыйытыыларга хоруй таһыма, дириҥэ, хаачыстыбата.

6.3. Экспертнэй дьүүллүүр сүбэ үлэтин түмүгүнэн:

 I түһүмэх түмүгүнэн өрөспүүбүлүкэ улуустарыгар, Дьокуускай куорат үөрэнээччилэрин сааһынан наардаан үс бөлөх кыайыылаахтарыгар, анал ааттар хаһаайыттарыгар улуус, куорат таһымнаах дипломнар:

• 3 – 4 кылаас үөрэнээччилэригэр;
• 5 – 6 кылаас үөрэнээччилэригэр;
• 7 – 8 кылаас үөрэнээччилэригэр;

 II түһүмэх түмүгүнэн өрөспүүбүлүкэ кыайыылаахтарын сааһынан наардаан үс бөлөх кыайыылаахтарыгар, анал ааттар хаһаайыттарыгар дипломнар:

• 3 – 4 кылаас үөрэнээччилэригэр;
• 5 – 6 кылаас үөрэнээччилэригэр;
• 7 – 8 кылаас үөрэнээччилэригэр.

6.4. Күрэххэ кыттыбыт үөрэнээччилэргэ туоһу сурук сайаапкаҕа ыйыллыбыт электроннай аадырыска ыытыллар; 6.5. Күрэх түмүгүн, оҕо ааҕар киинин анал сыһыарыытыгар http://kids.nlrs.ru/ уонна социальнай ситимтэн ааҕан билиэхтэрин сөп.

Хачайдаан ыл

Итоги

https://kids.nlrs.ru/index.php/homepage/biblionovosti/konkursy/13-detyam-i-podrostkam/konkursy/2427-r-sp-b-l-ke-o-olorugar-tuos-aa-yy-kempiriensijete-yytylynna